კოდალა და ხე..(მოთხრობა)

კოდალა და ხე.
ერთ ხეს მატლები შეესია. ხე დახმარებას ითხოვდა, მაგრამ მისი არავის ესმოდა. უცებ კოდალა გამოჩნდა და ხესთან მიფრინდა.
-ხეო, რა გჭირს?-შეეკითხა ხეს.
-თუ შეგიძლია მიშველე. გთხოვ, ეს მატლები მომაშორე- სთხოვა ხემ.
- ახლავე მოგაშორებ.- უთხრა კოდალამ და ხეზე კაკუნი დაიწყო.
როცა კოდალა თავის საქმეს მორჩა, ხემ ჰკითხა:
-რითი გადაგიხადო შენი სიკეთე?
-შენ, რომ მატლებს გამოგაცლი და პირს ჩავიტკბარუნებ, ის ჩემთვის სიამოვნებაა. შენც ამოისუნქებ, ფოთლებს გაშლი, ბუნებას სიმწვანეს შემატებ, თითოეული გადარჩენილი ხე კი სუფთა ჰაერს და ჯანმრთელობას შემატებს დედამიწას. სამაგიეროც ეს იქნება- უპასუხა კოდალამ და სხვა ხისკენ გადაინაცვლა.
აი, ასე გადაარჩინა კოდალამ ხე.
                                     ავტორი–ნინო ქობულაშვილი